大趣事!
由於又要準備新工作兼搬房的關係,是日要清理一下一些舊到唔舊的書櫃、雜物等。過程中,隨意拾起一個像垃圾的紙球,細看下那是捲成「一ju菜」般的報紙,攤開一看,嘩,不得了啊!!!
那是一九八零年五月十七日的《成報》!!!!!
有趣有趣,當年筆者還未夠X歲,透過報紙裡的一字一語,窺探到當年香港人生活的點滴,例如︰
1. 當年報紙會「預測」下期六合彩攪珠的結果,頭獎通常約派彩60多萬;
2. 報紙字體非常小,用現在的標準,必小於font 8;
3. 當時還有「銅鑼灣裁判司署」;
4. 報紙的排版將一篇文章分成若干分,讀者眼力必須夠強!要從密麻麻的字體中找到每篇報道的「續篇」不是易事;
5. 很多工人的日薪只是徘徊於$35-50大元;
6. 到桂林的五天旅行團約要$1400-1600 (現在價錢相差不遠,可見旅行社之間競爭之烈);
7. 當年得令的歌/影星乃係︰陳觀泰、潘冰嫦、徐少強、楚湘雲、黃敏儀、陳儀馨、方珍妮 (筆者都知道當中部份人是誰,但另外的則是聽都未聽過....);
8. 其時未有「亞洲電視」,只有麗的第一及第二台;
9. 無線播放的是《亂世兒女》及《龍仇鳳血》,麗的播的是《彩雲深處》及《大地恩情》;
10. 寇比力克的名作《發條橙》(Clockwise Orange) 就是在那時公映,還見到一大堆「阿爺級」的戲院 - 珠江、龍華、恆星、福星、寶石、富都、大光明、珍寶、太平、香島、南昌、金茂坪...(同樣地,聽過部份的名字,另外的則聞所未聞);
11. 當時的匯豐只是$22.2............................................
回家後,父母都津津有味地細閱那份報紙,吱吱喳喳談個不停!
21 Comments:
咦~~!竟老成你都鈎起我一啲回憶:
1980/05/17 (我接近8歲~~,我很可愛、很得人疼愛~~)
9. 無線播放的是《亂世兒女》
我記得係由黃元申同黃杏秀主演,主題曲由仙度拉主唱。
10. 寇比力克的名作《發條橙》(Clockwise Orange)
我剛購回dvd~~~!
就是在那時公映,還見到一大堆「阿爺級」的戲院 - 珠江、龍華、恆星、福星、寶石、富都、大光明、珍寶、太平、香島、南昌、金茂坪...(同樣地,聽過部份的名字,另外的則聞所未聞);
有幾間我曾經去睇過戲:
龍華-最佳拍擋
大光明-ET 外星人
南昌-最佳拍擋續集
金茂坪-天真有牙
史塔
金茂坪---我其中一個童年回憶。
當年成日食完晚飯就一家人去睇九點半,到左今時今日,我都仲係覺得佢樓上果兩幢私人住宅好陰森恐怖!!
回史塔︰
哈哈, 我都估到你會回呢一篇! 畢竟呢d「老回憶」係好難得既. 仲要畀我咁正搵到d咁有價值既「文獻」. 我想再試下, 睇下仲有無呢d被人當係垃圾既寶!
回舒舒︰
金茂坪呢間戲院我真係無聽過, 係秀茂坪架?
係呀!!當年仲係丘德根擁有,所以有個「荔園」廣告長期放在戲院門口,同埋成日都有「麗的電視」嘅電視劇照貼在大堂。
而家個「戲院舖位」仲o係度,不過就調空在好多年。
果陣時o既報紙雖然少圖, 而且黑白, 標題字體冇咁大隻, 篇幅密密麻麻, 但質素卻比依家o既好幾十陪. 起碼唔會有新聞製造呢樣危機...
1. 預測六合彩呢家o野, 我都有o的印象.
3. 銅鑼灣裁判署o向邊呢? 係o米依家天后地鐵站附近?
5.及6. 同依家比, 真係好難相信...
9. 我都有睇過大地恩情, 不過係重播.
11. 我諗廿幾年後o的人睇依家o既中行同地鐵o既價位, 都會嘩一聲.
回阿文:
11. 我諗廿幾年後o的人睇依家o既中行同地鐵o既價位, 都會嘩一聲.
廿幾年後嘅匯控+中行+建行~~~!!!↑100 - 200%
哈哈哈哈哈哈哈哈哈哈哈哈哈~~!
我退休後都係靠佢地咋~~!!
回舒舒︰
講開邱德根同埋荔園...相信好多二十尾三十零歲既朋友既回憶. 當年荔園係一個小朋友既大樂園, 有野食有野玩, 我仲記得入面既爆谷比一般戲院既貴好多, 同埋有間「恐龍屋」! 好似連成龍都係入面拍過戲?
回阿文︰
的確, 報紙入面既語文水平相當之高, 當年做得報館既人, 個個都一定有番d墨水, 唔似而家...........
"銅鑼灣裁判署o向邊呢? 係o米依家天后地鐵站附近?"
呢樣我都想知, 哈哈!!
史塔︰
你退休都有大糧呀史史...難為我地呢d新制中的新制... -_-
回:史塔
你應該有大把本錢, 唔洗憂...
回:竟成
不如問問細伯吖? 今次唔洗等佢唔o向屋企. :)
哈哈~~~
你講0既歌手,我一個都未聽過
我都有少少印象係去過荔園
有得玩遊戲攤檔...好似有香口膠
wah! 80年我都仲未出世! 你講o既歌手,戲院我差不多一個都唔識...20幾年後o既今日,真係物換星移,人面全非喇~
感慨~~
carol
sorry,又用錯左匿名者添!一陣又比波波話我..
回竟成:
[你退休都有大糧呀史史...難為我地呢d新制中的新制... -_- ]
唉~~!大哥,你知我現職退休後有幾多食o格!而家真係要開始諗定d 後着o架。
回阿文:
[你應該有大把本錢, 唔洗憂...]
唔洗憂咁好?
回阿文︰
問過了, 佢當時係住中區的, 區外既事沒有太大的印象, 可惜. (仲等緊機會影巴士 ^_^ )
回皇后︰
個d明星/藝員有部份而家仲做緊戲的, 妳問問媽媽佢廳該會知道架! 無線亞視都有!
回阿瀨︰
首先因為版權問題, 我唔可以成張報紙咁放出來~
好x賤的是, 我影佐一大堆日期呀, 標題呀個d相, 但個blog又壞壞地咁, post唔到上去!!
回carol︰
yo~ 原來妳係80年代既人! 正如我係上面同皇后咁講, 個"咋"藝員/歌手有部份仲做緊的, 可以問問父母呢!
留名都好的, 呢排個blog經常有一些我唔認識佢既人留言....心驚...
回史塔︰
無錯, 依我所知好多伙記而家讀書, 其實就係為佐將來打算...
(1)哈~~!睇見圖2, 另我又記起小小驟雨中的陽光續集~~,主角係-陳國雄、顧紀筠....!
(2)回竟成:「無錯, 依我所知好多伙記而家讀書, 其實就係為佐將來打算...」
唔~~!我都要兩手準備..,雖然到咬糧時我個衰仔都28 歲嘞。
一、啲匯控、中行、建行到時 alright 嘅,我咪哩返大陸頤養天年囉~~。(最理想嘅地點就係雲南,要唔好見到太多人!仲要同香港所有嘢包括人和事恩斷義絕!)
二、到時無乜貨嘅..咪揸返間替更的士或者半晝專線囉~~!!
回史塔︰
其實你可能覺得誇張, 但我亦的確為自己既退休生活諗過, 到時做乜好呢?
喂喂史史, 我最近忽發奇想, 不如你得閒d時, 我跟你玩下"chi"手? (其實係跟住學, 我沒有正式練過)!
Post a Comment
<< Home