去吧!掃屎兵團!
剛剛兩星期都在頂替上司的工作 (政府內叫doule up),開了一大堆沒甚意義的會議,終將回復自由身了!
連續三天都到北角政府合署sit in不同的課程,為六月的另一場show做事前準備。向來喜歡服讀能與其他部門的公務員一同上課的課程。哪怕課程本身有多悶,能一覽不同部門的文化煞是有趣,常見者如︰
1. 站在自己單一部門的角度去「估量」其他部門或政策局的工作方針;
2. 以為「專業職系」與「一般職系」的工作態度會有分別;
3. 以為「紀律部隊」一定有義氣,工作文化會與其他「文職」部門不同;
4. 以為自己部門所採用的工作模式 / 政策 / 電腦軟件 / 複雜的人事關係是他們獨有的。
能偶爾如此進修幾天,是件美事 - 既可學習新知識,又可與其他部門交流。五月中至尾還有幾天,要享受一下。
都說無欲則剛,新調任的另一位上司說話風趣幽默,抵死啜核得很。他自覺已達「紫禁之顛」,不會再與其他人「跑」了,故此對工作看得很輕。面對一次又一次的show,他都處之泰然,還譏評我們為「掃屎兵團」 - 上級不想處理的事 / 做醜人時,我們幾個都「捨我其誰」,專替他們拾屎。至於我們的階級,則為「屎撈人」,連學生都為我們感到無奈,哈哈。
10 Comments:
其實你想唔想double up ga????
做過double up應該升得快0的ga
上面0個個係我來ga
hehehe....
其實, 有時o向工作時間做其他有關工作上面o既o野, 到其他地方學習, 可以充充電, 又可以學到o野. 幾好架?
「屎撈人」又幾貼切woo...
其實諗諗下做我地呢d超低層都唔係無好處喎!最慘都係d夾心人,對上又有心無力,對下又無能為力.
回皇后︰
唔好意思呀...我之前錯手delete佐妳個留言. 我又唔知妳係邊個, 所以回唔到 =)
嗯...其實無話想唔想既, 因為都只係2星期, 抱住"試下無壞"既心態. 咁當然, 有得試好過無得試啦!
其實紀律部隊入面呢d都好平常架咋, 一d都唔特別的 =)
回阿文︰
係架, 得閒去上下堂係幾正的, 但小弟住得太遠了...每次都要山長水遠咁去quarry bay個邊!
哈哈, 呢個名係我另一邊既上司改架, 我都覺得幾貼切呢! =D
回parker,
嗯...我真係咁諗的, 每個人崗位唔同, 好難話邊個辛苦d. 畢竟無上屬就無上司, 上司唔可以無佐d下屬, 否則會無命架! 大家係互相依存既關係.
講真, 我鍾意同同級/下屬相處多d...d上司成日以為自己有寶, 以為你"嬲"佢講野就係想埋佢身.
唔怪之得之前0個留言無鬼0左啦
哈哈~~~
不過,唔係個個都想做double up ga,因為double up要做0野0野都唔少
如果想升0既,就一定會做。
mm...上面0個個係我呀
我係無得揀架...因為我老細之下得我一個...所以係"無選擇之下既選擇"來架...!!
至於想唔想, 沒所謂啦, 2星期之嘛, 開心又係2星期, 悶又係2星期, 試下無壞啦!
Post a Comment
<< Home